Mpango wa watoto walioko kwenye mazingira magumu.

Chama cha Biblia kupitia mpango huu kimeendelea kuwafikia watoto wanaoishi kwenye mazingira magumu kwa kuwapatia mafunzo ya kuwajengea  uwezo katika masuala ya;

• Elimu ya  afya ya uzazi,
• UKIMWI,
• Jinsi ya  kumtambua rafiki mzuri,
•   Kuutambua uthamani waliona mbele za Mungu,
• Jinsi ya kutunza mazingira na miili yao, kujikubali walivyo,
• Jinsi ya kuepuka na kupata msaada kuhusu unyanyasaji wa kijinsia mfano ndoa za utotoni,
• Masuala ya ngono na mengine mengi,

Pia tuliweza kuwafikia watoto wenye ulemavu katika shule ya Hombolo katika kata ya Hombolo pamoja na watoto kutoka Kongwa, Matumbulu, Mpunguzi,Ipala na Ng,ambi.

Mpango wa Biblia ya nukta nundu.

Chama cha Biblia cha Tanzania kinaendelea na mpango huu wa kuwafikia wasiiona katika wilaya ya Kongwa-Dodoma.

Chama cha Biblia kwa kushirikiana na kanisa la Anglican Kongwa kimeweza kuanzisha maktaba kwa ajili ya Biblia ya Nukta nundu (Biblia nzima) ambayo itakuwa inasomwa na kutumiwa na watu wenye ulemavu wa macho.

Kupitia mpango huu kanisa la Kongwa limeweza kuwashirikisha wasiiona kwenye huduma mbalimbali ndani ya makanisa yao: Kusoma masomo kanisani, kuongoza sifa na kuabudu, kuhubiri na tunae mchungaji asiiona ambae amekuwa mchungaji baada ya kuwa sehemu katika mpango huu.